Um verkefnið

Um verkefnið

Vinna við verkefnið hófst í kjölfar ábendinga Framkvæmdastjórnar Evrópusambandsins um almennan skort á frumkvöðlafærni eldra fólks og vaxandi atvinnuleysis meðal þeirra. Einnig vegna þeirra tækifæra sem stafrænir miðlar bjóða upp á, sérstaklega í tengslum við atvinnusköpun í eigin rekstri Hér verður sérstaklega litið til tækifæra í frumkvöðlastarfsemi fyrir eldri konur í dreifbýli. DEAL styður sérstaklega viðkvæma markhópa sem eru að undirbúa sig fyrir óhjákvæmileg áhrif stafvæðingar. Ytri öfl munu halda áfram að knýja fram breytingar - hraðar tækniframfarir, alþjóðavæðingu, loftlagsbreytingar og þéttbýlismyndun. Þær munum hafa þýðingarmikil áhrif á fyrirtæki um alla Evrópu.

Markmið verkefnisins

Helstu markmið þessa fræðsluverkefnis eru að veita notendum í markhópnum þekkingu og færni til að nýta möguleika stafrænna miðla í þróun eigin reksturs, í nýsköpunar- eða frumkvöðlastarfsemi. Í kynningarstarfi og prufukeyrslu á efninu er stefnt að því að ná til yfir 150.000 manns.

Aðferðafræði

Aðferðarfræðin við vinnu í verkefninu DEAL er fjölbreytt, þ.á.m.:

• Lýðræðisleg verkefnastjórnun.
• Kennslufræði fullorðinsfræðslu er nýtt í uppbyggingu fræðsluefnis, hönnun, þróun og framsetningu. Tekið er tillit til þekkingar, reynslu og raunverulegra aðstæðna námsmannanna og eru þarfir þeirra útgangspunktur verkefnisins.
• Sameiginleg aðferðarfræði og skýr vinnurammi í kortlagningu viðfangsefnis.
• Aðferðafræði tæknilegu hliðar verkefnisins felur í sér að auðvelt sé fyrir notendur að sækja sér upplýsingar, þær séu aðgengilegar, auðfundnar og vefsvæðið sé notendavænt. Gengið er út frá því að byggja upp sjálfstraust notenda í stafrænum miðlum og nýsköpun.
• Allar upplýsingar og efni í verkefninu verða öllum aðgengilegar, einnig eftir að verkefninu lýkur svo að einstaklingar og stofnanir geti nýtt sér það í framtíðinni, þó þessir aðilar hafi ekki tekið þátt í verkefninu í upphafi.