Ein af niðurstöðum DEAL verkefnisins er að það sem hindrar fólk, ekki bara eldra fólk, í að stofna eigin stafræn fyrirtæki er skortur á sjálfstrausti. Sjálfstraust er nauðsynlegt fyrir alla þá sem stefna á að stofna eigið fyrirtæki. 

Þú eykur sjálfstraust þitt með því að þekkja styrkleika þína og veikleika og með því að óttast ekki mistök. Fólk með gott sjálfstraust tekur mistök ekki inn á sig heldur lærir af þeim.

Það er gott að hafa trú á sjálfum sér en þekkja takmörk sín. Þá er hægt að fara út fyrir þægindarammann og gera draum sinn að veruleika! Mundu að það er fullkomlega eðlilegt að velta því fyrir sér hvort maður hafi næga tölvukunnáttu og viðskiptaþekkingu til að ná árangri í netviðskiptum. 

Fræðsuefnið í DEAL er gert til að veita þér grunnþekkingu og færni í viðskiptum og þar með sjálfstrú til að hjálpa þér að verða farsæll stafrænn frumkvöðull. Nýjar leiðir eru að opnast fyrir þig: hafðu hugrekki til að leggja í hann!

1. Við lifum í netheimi

2. Þetta snýst ekki um að hlaða niður vefsíðusniðmáti og vona það besta.

3. Þetta snýst um að hugsa hvernig stafrænir miðlar munu auka framleiðni þína, minnka kostnað, auka skilvirkni, fjölga viðskiptavinum og styrkja fyrirtækið þitt.

4. Þetta snýst um að vita hvernig á að setja upp netviðskipti, hvernig á að afla sér upplýsinga á netinu, hvernig á að stunda stafræna markaðssetningu og hvernig á að selja á netinu.

5. Þetta snýst um að byggja upp eða auka stafræna hæfni þína, þróa samkeppnishæfar vörur eða þjónustu á netinu og byggja upp traust, sjálfbær viðskipti á innlendum, evrópskum og alþjóðlegum mörkuðum.

6. Þetta snýst um þekkingu, viðhorf, færni og venjur.

7. Hvatning er það sem kemur þér af stað: venjur er það sem heldur þér gangandi.

8. Þekking styrkir þig: sjálfstraust vex með því að vita hvað á að gera og hvernig á að gera það. 

Staðsettu þig einhvers staðar á milli áhættufælni og kokhreystis

Lærðu að nota ný stafræn verkfæri

Lærðu að treysta innsæi þínu.

Talaðu við farsæla stafræna frumkvöðla og fáðu raunsæja sýn á stöðuna